అనకాపల్లి:అక్రమంగా తరలిస్తున్న మద్యం మునగపాక పోలీసులు చేతికి చిక్కింది. దొడ్డి దారిన తరలించే క్రమంలో మునగపాక మండలం యాదిగిరి గ్రామంలో గురువారం రాత్రి పట్టుబడింది. మునగపాక ఎన్.ఐ పి.ప్రసాదరావు తన సిబ్బందితో చాకచక్యంగా పట్టుకున్నారు. ఈ మద్యంను సోమలింగపాలెం గ్రామంలో డంప్ చేసినట్లు తెలుస్తోంది. అక్కడ నుంచి గమ్యస్థానాలకు తరలిస్తున్నారు. ఎన్నికలు కోడ్ అమల్లోకి వచ్చిన తరువాత భారీ స్థాయిలో మద్యం పట్టుబడటం ఇదే అవుతుందని చెప్పుకుంటున్నారు. వీటి విలువ రూ.కోట్లలో ఉంటుందని చెప్పుకుంటున్నారు. అధికారికంగా పోలీసు శాఖ అధికారులు వివరాలు వెల్లడించాల్సి ఉంది.
