కూటమి గెలుపే లక్ష్యంగా పనిచేయాలని శ్రేణులకు పిలుపు….

అనకాపల్లి:నర్సీపట్నం నియోజకవర్గ టీడీపీ అసెంబ్లీ ఉమ్మడి అభ్యర్ధి చింతకాయల అయ్యన్నపాత్రుడు ఆధ్వర్యంలో జరిగిన ఎన్నికల ప్రచారంలో అనకాపల్లి పార్లమెంట్ బీజేపీ ఉమ్మడి అభ్యర్ధి సీఎం రమేష్ పాల్గొన్నారు.ఈ సందర్భంగా నాతవరం మండలం లో వేలాది మందితో ర్యాలీ కొనసాగింది.అనంతరం జరిగిన బహిరంగ సభలో సీఎం రమేష్ మాట్లాడుతూ వైసీపీ ఐదేళ్ల పాలనలో రాష్ట్రం 25 సంవత్సరాలు వెనుకకుపోయిందని అన్నారు. రాష్ట్రంలో అరాచక పాలన సాగుతోందని , ప్రశ్నస్తే కేసులు పెడుతున్నారన్నారని విమర్శించారు. మద్యం,ఇసుక,ల్యాండ్ కబ్జాలతో ప్రజలను భయ కంపితులను చేస్తున్నారన్నారు.రాబోయేది కూటమి ప్రభుత్వమేనని,. కేంద్రంలోను,రాష్ట్రంలోను ఎన్ డీ ఏ సర్కారు వస్తుందని జోస్యం చెప్పారు.రాజ్యసభ సభ్యులు భువనేశ్వర్ ఖటారీ మాట్లాడుతూ సీఎం రమేష్ లాంటి మంచి మనిషిని ఎన్నుకోవాలని విన్నవించారు.ప్రధాని మోదీ,అమిత్ షా,రాజ్ నాథ్ సింగ్ లాంటి పెద్దలతో మంచి పరిచయాలు కలిగిన వ్యక్తిగా అనకాపల్లి అభివృద్ధికి రమేష్ గెలుపు దోహదపడుతుందన్నారు. నర్సీపట్నం శాసనసభ ఉమ్మడి అభ్యర్థి చింతకాయల అయ్యన్నపాత్రుడు మాట్లాడుతూ ఎంపి అభ్యర్థిగా సీఎంరమేష్ ను కమలం గుర్తుపైనా,అసెంబ్లీ అభ్యర్ధినైన తనకు సైకిల్ గుర్తు పైనా ఓటు వేసి అత్యధిక మెజారిటీతో గెలిపించాలని కోరారు.ముందుగా అంబేద్కర్ విగ్రహానికి పూలమాల వేసి నివాళులు అర్పించారు.అలాగే గ్రామదేవతను దర్శించుకుని రాష్ట్రంలో ఎన్ డీ ఏ కూటమి ప్రభుత్వం రావాలని కోరుకున్నారు. రాష్ట్రంలో వచ్చేది రామరాజ్యమే నన్నారు. ఈ కార్యక్రమంలో మాజీ ఎమ్మెల్యే ముత్యాలపాప,బోలెంరమణామూర్తి,సినిమానటుడు పృధ్వీ , రాజానా సూర్యచంద్ర, సతీష్, కొండబాబు, ఎర్రినాయుడు, విజయకుమారు, వెంకటరమణ,బీజేపీ,టీడీపీ,జనసేన నాయకులు,కార్యకర్తలు పాల్గొన్నారు.