ప్రధానమంత్రికి అనకాపల్లి జిల్లా ప్రజలు ఘన స్వాగతం పలకాలి

జిల్లా అన్నిరంగాలలో జిల్లా అభివృద్ది

పార్లమెంటు సభ్యులు సి.ఎం. రమేష్

అనకాపల్లి, జనవరి 3: జనవరి 8వ తేదీన ప్రదానమంత్రి విశాఖపట్నంలో బహిరంగ సభ లో పాల్గొని, జిల్లాలో పలు ప్రోజెక్టులకు వర్చువల్ గా శంఖుస్థాపన చేయనున్నారని, ప్రజలు హాజరై ప్రధానమంత్రికి ఘన స్వాగతం పలకాలని పార్లమెంటు సభ్యులు సి.ఎం. రమేష్ కోరారు. శుక్రవారం కలెక్టరు కార్యాలయంలో ఏర్పాటుచేసిన విలేఖరుల సమావేశంలో ఆయన శాసనసభ్యులతో కలిసి పాల్గొన్నారు. విలేఖరుల సమావేశంలో పార్లమెంటు సభ్యులు మాట్లాడుతూ అభివృద్దికి కూటమి ప్రభుత్వం అనుకూలమని, పెట్టుబడుదారులు జిల్లాలో పెట్టుబడులు పెట్టుటకు ఆశక్తిచూపుతున్నారని తెలిపారు. జిల్లా పారిశ్రామికంగా అభివృద్ది చెందితే యువతకు ఉపాధి అవకాశాలు మెరుగుపడతాయని తెలిపారు. పధానమంత్రి నరేంద్ర మోదీ, ముఖ్యమంత్రి నారా చంద్రబాబునాయుడు నేతృత్వంలో డబుల్ ఇంజను సర్కారు నడుస్తున్నదని, పరిశ్రమలు, విద్యాసంస్థలు స్థాపన, రైల్వే ప్రోజెక్టులు, రోడ్లు నిర్మాణాలతో జిల్లా స్వరూపం మారనున్నదని తెలిపారు. జిల్లాలో సుమారు రెండు లక్షల కోట్ల రూపాయలతో నిర్మించునున్న పరిశ్రమలకు ప్రదానమంత్రి శంఖుస్థాపన చేయనున్నట్లు తెలిపారు. అనకాపల్లి, యలమంచిలి, పాయకరావుపేట నియోజకవర్గాలలో పారిశ్రామిక అభివృద్ది జరుగుతుందని, మాడుగుల, చోడవరం, నర్సీపట్నం నియోజకవర్గాలలో కూడా పరిశ్రమలు స్థాపనకు ప్రణాళిక రూపొందించనున్నట్లు తెలిపారు. ముఖ్యమంత్రి వారి మాట ప్రకారం గోదావరి పనులు జరుగుతున్నాయని, సంవత్సరకాలంలో గోదావరి ఎడమ కాలువద్వారా గోదావరి జలాలు వస్తాయని తెలిపారు. జిల్లాలో అదనంగా యలమంచిలి, మాడుగులలో కేంద్రీయ విద్యాలయాలు ఏర్పాటుకు, మరియు మాడుగులలో ఇంజనీరింగు యూనివర్శీటీకి స్థాపనకు ప్రయత్నం చేస్తున్నట్లు తెలిపారు. జిల్లాను జాతీయ రహదారుల నిర్మాణం ద్వారా అనుసందానం చేయనున్నట్లు పార్లమెంటు సభ్యులు తెలిపారు. విశాఖపట్నం నుండి పాడేరుకు 16వ నంబరు జాతీయ రహదారిని అనుసంధానం చేస్తూ రోడ్డు నిర్మాణం, తుని నుండి విజయనగరం జిల్లాను కలుపుతూ నర్సీపట్నం మాడుగుల, చోడవరం మీదుగా జాతీయ రహదారి నిర్మాణం, పోర్టులను అనుసంధానం చేస్తూ సముద్ర తీరంలో రోడ్డు నిర్మాణానికి ప్రతిపాదనలు సమర్పించడం జరిగిందని, అనకాపల్లి నుండి రాజమండ్రి నాలుగువరుసలు రోడ్డు ఆరు వరుసలుగా అభివృద్ది చేయనున్నట్లు తెలిపారు. అమృతపురం నుండి షీలానగర్ రోడ్డు పనులు త్వరలో ప్రారంబించనున్నట్లు తెలిపారు.యలమంచిలి శాసనసభ్యులు సుందరపు విజయకుమార్ మాట్లాడుతూ జిల్లాలో స్థాపించనున్న రెండు పరిశ్రమలు స్థాపన ద్వారా సుమారు ఇరవై అయిదువేల మందికి ఉపాధి కలుగుతుందని తెలిపారు. నియోజకవర్గంలో కేంద్రీయ విద్యాలయం, స్పోర్ట్స్ కాంప్లెక్స్, రోడ్లు నిర్మాణం ద్వారా అబివృద్ధికి బాటలు వేస్తున్నట్లు తెలిపారు.ఈ సమావేశంలో శాసనసభ్యులు బండారు సత్యనారాయమూర్తి, అర్బన్ పైనాన్స్ అండ్ ఇన్ఫ్రాస్ట్రక్చర్ డెవలప్మెంటు కార్పొరేషను చైర్మన్ పీలా గోవింద సత్యనారాయణ, రోడ్డు డెవలప్మెంటు కార్పొరేషను చైర్మన్ ప్రగడ నాగేశ్వరరావు, కొప్పులవెలమ సంక్షేమ, అభివృద్ది కార్పొరేషను చైర్మన్ పి.వి.జి. కుమార్, దాడి రత్నాకర్ పాల్గొన్నారు.