వైసిపి అభ్యర్థి మలసాల భరత్ కుమార్ కు ఘన స్వాగతం

అనకాపల్లి:హైదరాబాద్ పర్యటన ముగించుకుని విశాఖ చేరుకున్న వైసిపి అనకాపల్లి నియోజకవర్గ ఎమ్మెల్యే అభ్యర్థి మలసాల భరత్ కుమార్కు శుక్రవా రం పెద్ద ఎత్తున స్వాగతం లభించింది. విశాఖ విమానాశ్రయంలో వైసిపి నాయకు లు కార్యకర్తలు, పార్టీ శ్రేణులు సాదరంగా స్వాగతం పలికారు. వైసీపీ పట్టణ శాఖ అధ్యక్షుడు మందపాటి జానకిరామ రాజు ఆధ్వర్యంలో అలాగే అనకాపల్లి మండల, కసింకోట మండలాల పార్టీ నేతల ఆధ్వర్యంలో నియోజకవర్గం నుంచి పెద్ద సంఖ్యలో పార్టీ శ్రేణులు విశాఖ విమా నాశ్రయానికి తరలివచ్చారు. పుష్పగుచ్చాలు అందించారు. దుస్సాలువలు కప్పి ఘనంగా సత్కరించారు. భరత్ కుమార్ పై తమకున్న అభిమానాన్ని చాటుకున్నారు.

అనంతరం వైసిపి అభ్యర్థి మలసాల భరత్ కుమార్ అనకాపల్లి వైసీపీ కార్యాలయంలో వైసీపీ శ్రేణులతో  చర్చించారు. ఈ కార్యక్రమంలో మందపాటి జానకిరామరాజు, డాక్టర్ యశ్వంత్ ,జాజుల రమేష్, గున్నయ్య నాయుడు, గొల్లవిల్లి శ్రీనివాసరావు,  మలసాల కిషోర్, పెద్ది శెట్టి గోవిందా, కోరుకొండ రాఘవ, కే యం నాయుడు, బొడ్డేడ శివ,గొన్నబోతుల వెంకటరమణ, పెంటకోట శ్రీను, దంతులూరి కళ్యాణ్ చక్రవర్తి, తదితరులు పాల్గొన్నారు.