ముత్యాల నాయుడు వ్యాఖ్యలు హాస్యాస్పదం-సీఎం రమేష్

• ముత్యాలనాడు వ్యాఖ్యలు హాస్యాస్పదం-సీఎం రమేష్
• డిప్యూటీ సీఎం హోదాలో నియోజవర్గ సమస్యలపై ఎమ్మెల్యేలతో ఒకనాడైన సమావేశం నిర్వహించవా..
• మీ ఎమ్మెల్యే అభ్యర్థులు మీతో సహా కలిసి రండి బహిరంగ చర్చకు నేను సిద్ధం
• కేంద్రం నుంచి వస్తున్న నిధులు స్కీములు ఎన్ని సక్రమంగా వినియోగించారో చెప్పండి

• నామినేషన్ కార్యక్రమాన్ని జయప్రదం చేయండి
• అనకాపల్లి ఉమ్మడి ఎంపి అభ్యర్ధి సీఎం రమేష్

అనకాపల్లి: బీజేపీ ఎన్నికల కార్యాలయం లో జరిగిన పత్రికా విలేకరుల సమావేశం లో టీడీపీ,జనసేన బలపరిచిన బీజేపీ ఉమ్మడి అభ్యర్ధి సీఎం రమేష్ పాల్గొన్నారు. ఈ సందర్భంగా ఆయన మాట్లాడుతూ రేపు (బుధవారం ) తాను నామినేషన్ దాఖలుచేస్తున్నానని,ఈ కార్యక్రమాన్ని జయప్రదం చేయాలని కోరారు.ఈ కార్యక్రమానికి కేంద్ర రక్షణ శాఖామాత్యులు ,సీనియర్ బిజెపి నాయకులు రాజ్ నాథ్ సింగ్ హాజరవుతున్నారని తెలిపారు. అనకాపల్లి ప్రజలు తనను ఎంతగానో ఆదరిస్తున్నారని పేర్కొన్నారు.వైసీపీ ప్రభుత్వంపై ప్రజలు విరక్తి చెందారని,ఎన్ డీ ఏ కూటమి అధికారంలోనికి రావడం ఖాయమన్నారు.అనకాపల్లి అభివృద్ధే ద్వేయంగా పనిచేస్తానని,కమలం గుర్తు పై ఓటు వేసి అత్యధిక మెజారిటీ తో గెలిపించాలని కోరారు.

బూడి ముత్యాలనాయుడు కు సవాల్..కాగా,ఈ విలేకరుల సమావేశంలో సీఎం రమేష్ ఆసక్తికర వ్యాఖ్యలు చేస్తూ,అనకాపల్లి వైసిపి పార్లమెంట్ అభ్యర్థి బూడి ముత్యాలనాయుడు కు బహిరంగ సవాల్ విసిరారు.రమేష్ మాట్లాడుతూ సోమవారం బూడి ముత్యాలనాయుడు తన నామినేషన్ సందర్భంగా మీడియాతో మాట్లాడుతూ తనకు(సీఎం రమేష్ కు) ఢిల్లీలో వీధులే సరిగ్గా తెలియవని అంటూ అనకాపల్లి పార్లమెంట్ పరిధిలో ఎన్ని మండలాలు వున్నాయో కూడా తనకు తెలీదు అన్నట్లుగా మాట్లాడిన విషయం తన దృష్టికి వచ్చిందని అన్నారు.ఈ సందర్భంగా సిఎం రమేష్, బూడి ముత్యాల నాయుడుకు బహిరంగ సవాల్ విసిరారు. అనకాపల్లి వైసిపి పార్లమెంట్ అభ్యర్థి బూడి తో బాటు,వైసిపి తరపున పోటీ చేస్తున్న ఏడు నియోజకవర్గాల అభ్యర్థులు అనకాపల్లి లో వారు ఎక్కడ చెబితే అక్కడ మీడియా సమక్షంలో బహిరంగ చర్చ పెడదామని, దీనికి తాను ఒక్కడినే వస్తానని సవాల్ విసిరారు.అనకాపల్లి పార్లమెంట్ పరిధిలో ఎన్ని మండలాలు,గ్రామాలు,సామాజిక వర్గాలు,కేంద్ర పథకాలు..ఇలా ఏ అంశం మీదనైనా పూర్తి సమాచారంతో తాను సిద్ధంగా ఉంటానని…బూడి.. ఆయన బృందం దీనికి సిద్ధమా అని ప్రశ్నించారు. మొన్న అనకాపల్లి జిల్లాలో ముఖ్యమంత్రి జగన్మోహనరెడ్డి స్థానిక శాసనసభ వైసిపి అభ్యర్థి తో సైతం మాట్లాడించి… ఉప ముఖ్యమంత్రి హోదాలో వుండి… ఇదే అనకాపల్లి పార్లమెంట్ వైసీపీ అభ్యర్థి గా పోటీ చేస్తున్న బూడి ముత్యాల నాయుడుతో మాట్లాడించకపోవడం దేనికి సంకేతం అని రమేష్ సూటిగా ప్రశ్నించారు.బూడి సమర్ధత పైన ముఖ్యమంత్రి కి నమ్మకం లేదా..లేక ఇంకా మరేదైనా కారణమా అని ప్రశ్నించారు.ఉప ముఖ్యమంత్రి హోదాలో వుండి తన మాడుగుల నియోజకవర్గాన్నే అభివృద్ధి చేయలేని వ్యక్తి..
అనకాపల్లి పార్లమెంట్ నియోజకవర్గాన్ని ఏమి అభివృద్ధి చేస్తారని రమేష్ సూటిగా ప్రశ్నించారు.

అభివృద్ధి చేసి చూపిస్తా..తనకు అనకాపల్లి పార్లమెంట్ నియోజకవర్గం పై పూర్తి అవగాహన వుందని తనకు ఇక్కడి ప్రజల సమస్యలు తెలుసునని సిఎం రమేష్ తెలిపారు.తాను విజయం సాధించిన పిమ్మట..అభివృద్ధి అంటే ఏమిటో చూపిస్తానని ,ప్రజల కళ్ళలో ఆనందమే తన లక్ష్యమని స్పష్టం చేశారు.ఈ సమావేశంలో బీజేపీ జిల్లా అధ్యక్షులు ద్వారపురెడ్డి పరమేశ్వరావు,టీడీపీ జిల్లా అధ్యక్షులు తాతయ్యబాబు,పరుచూరి భాస్కర రావు,సురేంద్రమోహన్ తదితరులు పాల్గొన్నారు.