వైసీపీ కార్యాలయంలో స్వాతంత్ర్య దినోత్సవ వేడుకలు

అనకాపల్లి:దేశవ్యాప్తంగా 78వ పంద్రాగస్టు వేడుకలు గురువారం అత్యంత ఘనంగా జరిగాయి. ఢిల్లీ నుంచి గల్లీ వరకు మువ్వన్నెల జెండా రెపరెపలాడింది.. దేశవ్యాప్త వేడుకల్లో భాగంగా స్థానిక రింగ్ రోడ్లో ఉన్న వైసిపి క్యాంపు కార్యాలయంలో పంద్రాగస్టు వేడుకలను వైసిపి అనకాపల్లి నియోజకవర్గ సమన్వయకర్త మలసాల భరత్ కుమార్ ఆధ్వర్యంలో ఆయన ఆదేశాల మేరకు పార్టీ శ్రేణులు అత్యంత ఘనంగా నిర్వహించారు. వైసీపీ పట్టణ శాఖ అధ్యక్షుడు మందపాటి జానకిరామరాజు అధ్యక్షతన జరిగిన ఈ వేడుకలకు ముఖ్య అతిథిగా వైసిపి అనకాపల్లి పార్లమెంట్ పరిశీలకులు ,మాజీ ఎంపీ డాక్టర్ బి.వి.సత్యవతి విచ్చేసి అతిథులుగా హాజరైన ఏపీఐడబ్ల్యూఏ మాజీ చైర్మన్ దంతులూరి దిలీప్ కుమార్, మాజీ ఆన్ఇసిఎస్ చైర్మన్ మలసాల రమణారావు తదితర పార్టీ నాయకులతో కలిసి త్రివర్ణ పతాకాన్ని ఆవిష్కరించారు. ఈ సందర్భంగా డాక్టర్ సత్యవతి మాట్లాడుతూ దాదాపు 200 ఏళ్ళు బ్రిటిష్ పాలనలో మగ్గిపోయిన యావత్ భారతావని ఎన్నో పోరాటాలు మరెన్నో ప్రాణత్యాగాలు చేసి స్వాతంత్రాన్ని సాధించుకున్న రోజు ఇది అన్నారు. ఆ మహనీయుల త్యాగాలను ప్రతి ఒక్కరూ స్మరించుకోవాలి అన్నారు. అనంతరం ఏపీఐడబ్ల్యుఏ మాజీ చైర్మన్ దిలీప్ కుమార్, వైసీపీ పట్టణ శాఖ అధ్యక్షుడు మందపాటి జానకిరామరాజు మాట్లాడుతూ ఆగస్టు 15 మన అందరికీ జెండా పండుగ అన్నారు. భారతావనికి స్వేచ్ఛ లభించిన రోజు అని తెలిపారు. బ్రిటిష్ పాలన నుంచి వారి అరాచకత్వం అమానుషత్వం నుంచి విముక్తి లభించిన రోజు అని పేర్కొన్నారు. దేశ స్వాతంత్రం కోసం ఎంతో మంది స్వాతంత్ర సమరయోధులు కృషి చేశారన్నారు. వారి త్యాగాలను ఈ సందర్భంగా స్మరించుకోవడం మనందరి బాధ్యత అని తెలిపారు. స్వాతంత్రం విశిష్టతను గుర్తు చేశారు. ప్రతి ఒక్కరూ దేశభక్తితో సోదర భావంతో మెలగాలని విజ్ఞప్తి చేశారు. కాగా స్వాతంత్ర దినోత్సవాన్ని పురష్కరించుకొని వైసీపీ క్యాంపు కార్యాలయంలో మువ్వన్నెల జెండా రెపరెపలాడింది. దేశభక్తి భావం ప్రతి ఒక్కరిలో ఉప్పొంగింది. భారత్ మాతాకు జై అంటూ అందరూ నినాదాలు చేశారు. ఈ కార్యక్రమంలో జీవీఎంసీ 82 వార్డు వైసిపి కార్పొరేటర్ మందపాటి సునీత, 83వ వార్డు వైసిపి ఇన్ఛార్జ్ జాజుల రమేష్, ఎంపీపీ గొర్లి సూరిబాబు, పార్టీ నాయకులు డాక్టర్ జి.రామ్మూర్తి, పెద్దిశెట్టి గోవింద్, ఆళ్ల నాగేశ్వరరావు, బొడ్డేడ లక్ష్మీనరసింహారావు, ఏవీ రత్నకుమారి, ఉగ్గిన అప్పారావు, పలకా సత్యనారాయణ, గైపూరి రాజు, పెంటకోట శ్రీను, బుద్ధరాజు, గుండా గుప్తా, కే కన్నారావు, వాకాడ శంకరరావు, ఏడువాకుల నారాయణరావు, నడిశెట్టి మధు, ఎంపీటీసీ శివాజీ, హేమ, ఎంపీటీసీ జోగా నాగమణి, నాగేశ్వరరావు, పెద్దాడ రామశంకర్, బి. అప్పలనాయు డు, పి.సత్యారావు పెద్దిశెట్టి రమేష్, పేలూరి కళ్యాణ్, కోన ఉమ, నరేంద్ర, సోమిశెట్టి భార్గవ్, పెట్ల నాగేశ్వరరావు, మొగలపల్లి సుబ్బారావు, దాడి చిన్న, జెట్టి శ్రీను, వేల్పుల గణేష్, గొల్లవిల్లి చిరంజీవి, దాడి భోగ లింగం తదితరులు పాల్గొన్నారు.