18నుండి అన్నవరం శ్రీ సత్యనారాయణ స్వామి వారి దివ్య కళ్యాణ మహోత్సవాలు

అన్నవరం : ప్రముఖ పుణ్యక్షేత్రం అన్నవరం శ్రీ వీర వేంకట సత్యనారాయణ స్వామి వారి వార్షిక దివ్య కళ్యాణ మహోత్సవాలు ఈనెల 18వ తేదీ శనివారం నుంచి 24వ తేదీ శుక్రవారం వరకు జరుగనున్నాయి.18న స్వామి, అమ్మవార్లను పెండ్లికుమారుడు పెండ్లికుమార్తెలను చేయుట, ఎదుర్కోలు ఉత్సవం,19న శ్రీ స్వామి వారి దివ్య కళ్యాణ మహోత్సవం,గ్రామోత్సవం,20న రావణబ్రహ్మ వాహన సేవ, 21న పండిత సదస్యం,22న స్వామి వారి రధోత్సవం,23న శ్రీ స్వామి వారి చక్రస్నానం,24న శ్రీ పుష్పయాగం జరుగుతాయి.స్వామి వారి కళ్యాణ మహోత్సవాలకు దాదాపు లక్ష మంది భక్తులు విచ్చేస్తారని ఆలయ అధికారులు ఈవో కె.రామచంద్ర మోహన్, డిప్యూటీ ఈవో డిఎల్వి రమేష్ బాబు అంచనా వేసి ఆమేరకు ఏర్పాట్లు పూర్తి చేశారు.భక్తులకు దర్శనం,ప్రసాదం, అన్న ప్రసాద వితరణ ఏర్పాట్లు చేస్తున్నారు.