చోడవరం:అనకాపల్లి పార్లమెంట్ చోడవరం నియోజకవర్గం రావికమతం మండలం మత్తవానిపాలెం లో జరిగిన ప్రజా చైతన్య సభ లో ముఖ్యఅతిధిగా బీజేపీ ఉమ్మడి అభ్యర్ధి సీఎం రమేష్ పాల్గొన్నారు. చోడవరం అసెంబ్లీ అభ్యర్ధి కే ఎస్ ఎన్ రాజు ఆధ్వర్యలో జరిగిన ఈ కార్యక్రమంలో జనసేన ఇంచార్జ్ పీవిఎస్ ఎన్ రాజు హాజరయ్యారు.
ఈ సందర్భంగా సిఎం రమేష్ మాట్లాడుతూ అనకాపల్లి పార్లమెంట్ స్థానంతో బాటు,పార్లమెంట్ పరిధిలోగల 7 శాసనసభ స్థానాలలోనూ ఉమ్మడి కూటమి అభ్యర్థులు విజయం సాధించడం తధ్యమని ధీమా వ్యక్తం చేశారు.చోడవరం శాసనసభ ఉమ్మడి అభ్యర్థి కేఎస్ ఎన్ రాజు మాట్లాడుతూ ప్రజలనుంచి వస్తున్న స్పందన చూస్తుంటే ఈ రాష్ట్ర ప్రభుత్వ వైఖరి పట్ల ప్రజానీకం ఎంత విసిగిపోయారో అర్ధమవుతోందని అన్నారు.చోడవరం జనసేన ఇంఛార్జ్ పివిఎస్ ఎన్ రాజు మాట్లాడుతూ టిడిపి,జనసేన,బిజెపి పార్టీల నాయకులు,కార్యకర్తలు సమైక్యంగా కష్టపడి ఉమ్మడి అభ్యర్థుల విజయానికి కృషి చేయాలని పిలుపునిచ్చారు. ఈ కార్యక్రమంలో ఉమ్మడి పార్టీల నాయకులు ఈర్ల శ్రీరామమూర్తి,కె.బాలాజీ,సిరిపురపు రమేష్,అల్లం రామ అప్పారావు,గూనూరి ముళ్ళు నాయుడు,మైచర్ల నాయుడు,తుమ్మల పద్మజ,బలిజ మహారాజు,కందర్ప రమణ మూర్తి తదితరులు పాల్గొన్నారు.
