- కశింకోటలో జనసేన ప్రచారం
- కొణతాలకు మద్దతుగా జబర్దస్త్ ఫేమ్ హైపర్ ఆది ప్రచారం…
కశింకోట: జబర్దస్త్ ఫేమ్ హైపర్ ఆది కసింకోట లో సందడి చేశారు. జనసేనకు మద్దతుగా ప్రచారం నిర్వహించారు. కసింకోట మండల జనసేన కార్యాలయంలో హైపర్ ఆది కి కశింకోట జనసేన తెలుగుదేశం బిజెపి నాయకులు ఘన స్వాగతం పలికారు. అనంతరం మెయిన్ రోడ్డు మీద ఆంజనేయ స్వామిని దర్శించుకుని కసింకోట మెయిన్ రోడ్ లో ఉన్న వ్యాపార సముదాయాలకు వెళ్లి వ్యాపారస్తులకు కొనుగోలుదారులకు జనసేన అభ్యర్థి కొణతాల రామకృష్ణ ఎన్నికల ప్రచార కరపత్రాన్ని అందజేసి ఈ ఎలక్షన్లో జనసేన గ్లాస్ గుర్తుపై ఓటు వేసి కొణతాల రామకృష్ణ అత్యధిక మెజార్టీతో గెలిపించాలని అభ్యర్థించారు. కొణతాల రామకృష్ణ మాజీ మంత్రిగా ఈ ప్రాంత అభివృద్ధి చేశారని, ఈ ప్రాంత సమస్యలపై పూర్తి అవగాహన పరిష్కారం తెలిసిన నాయకుడని అన్నారు. అసెంబ్లీ అభ్యర్థిగా ఆయనను గెలిపించాలని ప్రజలకు విజ్ఞప్తి చేశారు. అదేవిధంగా పార్లమెంట్ అభ్యర్థి సీఎం రమేష్ ను గెలిపించుకోవడం ద్వారా కేంద్రం నుంచి నిధులు రాబట్టడంలో కేంద్రంలో సన్నిహిత సంబంధాలు ఉన్నాయని చెప్పారు.కసింకోటలో గురువారం వారపు సంత జరుగుతుండడంతో హైపర్ ఆది ఒకసారి గా కనబడడంతో స్థానికులు సెల్ఫీలు దిగేందుకు ఎగబడ్డారు. కసింకోట మెయిన్ రోడ్డు గుండా సంతబయలు జంక్షన్ గుండా కాపు వీధి , గొల్లపేట , కస్పా వీధి , పూసర్ల వీధి , కుమ్మర వీధులలో డోర్ టు డోర్ ప్రచారాన్ని నిర్వహించారు.దారి పొడవునా మహిళలు హారతులు ఇస్తూ స్వాగతం పలికారు. ఈ కార్యక్రమంలో కశింకోట తెలుగుదేశం జనసేన మండల నాయకులు కార్యకర్తలు పెద్ద ఎత్తున పాల్గొన్నారు.
