పవన్ కళ్యాణ్ మాటే నా మాట -ఎన్నికల ప్రచారంలో కొణతాల…
స్పెషల్ ఎట్రాక్షన్ గా సినీ నటుడు షకలక శంకర్…
తుమ్మపాలలో జనసైనికుల తడాఖా…
అనకాపల్లి:కూటమితోనే సర్వతోముఖాభివృద్ధి చెందుతామని జనసేన అభ్యర్థి కొణతాల రామకృష్ణ అన్నారు.అనకాపల్లి మండలం తుమ్మపాలలో శనివారం సాయంత్రం నిర్వహించిన ప్రచార కార్యక్రమంలో తుమ్మపాల పురవీధులలో తిరుగుతూ గడపగడపలోను ప్రతి ఒక్కరిని పలకరిస్తూ జనసేన అభ్యర్థిగా గాజు గ్లాస్ గుర్తుపై ఓటు వేయాలని అభ్యర్థించారు. కార్యక్రమంలో అడుగడుగునా ప్రజలు కొణతాల కు హారతులు పడుతూ ఘన స్వాగతం పలుకుతూ మీ గెలుపే మా జీవితాలకు మలుపు మా ఓటు మీకే అంటూ భరోసా ఇచ్చారు.పలు ప్రాంతాల్లో కొణతాల ప్రసంగిస్తూ 15 ఏళ్ల విరామం తర్వాత ఈరోజు రాజకీయాల్లోకి రావడానికి కారణం పవన్ కళ్యాణ్ అని రాజకీయాల్లోకి రాను అనుకున్న సమయంలో పవన్ కళ్యాణ్ సిద్ధాంతాలు ఆశయాలు నా ఆశయాలకు దగ్గరగా ఉండడంతో జనసేన పార్టీతో మల్లా రాజకీయాల్లోకి రావడం జరిగిందని అన్నారు. ఒక్క ఛాన్స్ అని అడిగిన జగన్మోహన్ రెడ్డి గడిచిన ఐదేళ్లలో ఎటువంటి అభివృద్ధి చేశాడని మద్యపాన నిషేధం చేస్తానని మద్యపానం నిషేధం చేసిన తర్వాతే మరల ఓటు అడగడానికి వస్తానని చెప్పిన ముఖ్యమంత్రి ఈరోజు ఓటు ఏ విధంగా అడుగుతాడని బినామీ పేర్లతో సారా వ్యాపారం చేస్తూ కోట్లు గడుస్తున్నాడని మన ప్రాంతంలో మనం ఎన్నుకున్న మంత్రి పరిశ్రమల మంత్రి అయ్యుండి కూడా ఏ ఒక్క పరిశ్రమను తీసుకురాలేదు కదా ఉన్న పరిశ్రమలు పూర్తిగా మూతపడేసి వాటిని అమ్ముకునే ప్రయత్నాలు చేశాడని అలాగే విశాఖను రాజధాని రాజధాని చేసి అభివృద్ధి చేస్తానన్న ముఖ్యమంత్రి ఏ అభివృద్ధి చేశాడో మీకు తెలుసా అని ఎద్దేవా చేస్తూ మన ప్రాంతం గంజాయి మాదకద్రవ్యాలు మైనింగ్ భూకబ్జాలు పరంగా అభివృద్ధి చేశాడని ఇటువంటి పరిపాలన మనం గతంలో ఎన్నడూ చూడలేదని తెలిపారు. మన ప్రాంతంలో ఉన్నటువంటి షుగర్ ఫ్యాక్టరీలో కూటమి ప్రభుత్వం ఏర్పడిన వెంటనే పెట్రోల్ లో కలిపేటటువంటి ఇథైల్ యూనిట్ ప్రారంభిస్తామని ఈ మాట వారాహి విజయ్ బేరి యాత్రలో పవన్ కళ్యాణ్ చెప్పడం జరిగిందని కచ్చితంగా ఇది అమలుపరుస్తామని మళ్లీ మన ప్రాంత రైతులకు పూర్వపు రోజులు వస్తాయని భరోసా ఇచ్చారు. అలాగే మన ప్రాంతంలో కేంద్రంలో నరేంద్ర మోడీతో సన్నిహితం కలిగిన కూటమి ఎంపీ అభ్యర్థి సీఎం రమేష్ ని గెలిపించుకుంటే మన ప్రాంతంలో అనేక పరిశ్రమలు తీసుకు రాగలరని దానివలన మీ పిల్లల నిరుద్యోగ సమస్య తీరుతుందని అన్నారు. కూటమి ప్రభుత్వం వచ్చిన వెంటనే జిల్లాలో ఎక్కడికైనా ప్రయాణించేందుకు మహిళలకు ఉచితంగా బస్ సౌకర్యం , మరియు ప్రతి కుటుంబానికి ఉచితంగా సంవత్సరానికి మూడు గ్యాస్ సిలిండర్లు , డిగ్రీ పూర్తి చేసిన మీ ఆడపిల్లలకు ఉద్యోగం వచ్చేవరకు నెలకు 1500 రూపాయలు , అలాగే మీ ఆడపిల్ల పెళ్లి కానుక పెళ్లి సమ్మెలో లక్ష రూపాయలు , 50 ఏళ్లు నిండిన వృద్ధులకు 4000 రూపాయలు పెన్షన్ ఇలా అనేక సంక్షేమ కార్యక్రమాలు ఉమ్మడి మేనిఫెస్టోలో రూపొందించారని ఇవన్నీ జరగాలంటే కచ్చితంగా చంద్రబాబు నాయుడు ముఖ్యమంత్రి అవ్వాలని కేంద్రంలో నరేంద్ర మోడీ ప్రధానమంత్రి అవ్వాలని అందుకే వీరిద్దరికీ పొత్తు కుదుర్చున ఘనత పవన్ కళ్యాణ్ దని ఈ ముగ్గురు త్రిమూర్తులు దగ్గర ఇక ఏ శక్తులు పనిచేయవని కచ్చితంగా మీ అందరి సహకారంతో మనం కూటమి ప్రభుత్వాన్ని ఏర్పాటు చేస్తామని తెలిపారు. ఈ ప్రచార కార్యక్రమంలో సినీ హాస్యనటుడు జబర్దస్త్ ఫేమ్ షకలక శంకర్ మాస్ గెటప్ ముఠామేస్త్రి గెటప్తో జనసేన పాటలకు ప్రచార రథంపై స్టెప్పులు వేస్తూ ఆహుతులను ఆకర్షించారు. ప్రజలు యువత శంకర్ తో సెల్ఫీలు దిగేందుకు ఎగబడ్డారు.ఈ కార్యక్రమంలో పెద్ద ఎత్తున జనసైనికులు నాయకులు, కార్యకర్తలు ప్రజలు పాల్గొన్నారు.
